Иш тажрыйбасы
Долбоорлорду башкаруу, стратегиялык башкаруу, антикризистик башкаруу, туруктуу өнүгүү, стратегиялык жана операциялык пландоо, регулятивдик реформаны жүргүзүү тармагында профессионал.
Эл аралык командаларды жана долбоорлорду башкаруу боюнча 15 жылдан ашуун тажрыйбасы бар, анын ичинде Россия-Кыргыз Өнүктүрүү Фонду жана USAID тарабынан каржыланган долбоорлор. Эл аралык, ошондой эле мамлекеттик чөйрөдө жалпы 25 жылдан ашуун тажрыйбасы бар, анын ичинде Кыргыз Республикасынын Президентинин Аппаратындагы жетекчилик кызматтарда.
Эл аралык долбоорлордо, ошондой эле мамлекеттик кызматта 1-категориядагы адистен баштап жетекчиге чейинки жолду басып өткөн.
Эмгек жолун 1993-жылы Москва шаарында жеке консалтинг компаниянын юристи кызматынан баштаган. КР Юстиция министрлигинин мыйзам долбоорлорун иштеп чыгуу жана экспертизалоо боюнча иштеген (1993-1995 жж.) жана КР ЖК Мыйзам чыгаруу жыйынынын улук консультанты жана КР ЖК Мыйзам чыгаруу жыйынынын укук бөлүмүнүн улук консультанты болгон (1996-1999 жж.).
1999- жана 2011-жылдар аралыгында Кыргыз Республикасында товарлар жана кызматтар менен соода кылууда эл аралык эрежелерди имплементациялоого, регионалдык соода макулдашууларын иштеп чыгууга, регулятивдик реформаларды ишке ашырууга жана КР ишкердик ишмердүүлүктү жөнгө салган мыйзамдарын оптималдаштырууга, эдвокаси процессиндеги бирикмелердин статусун жана ролун бекемдөөгө көмөк кылган Booz-Allen and Hamilton, Inc. компаниясы, ошондой эле Прагма Корпорациясы тарабынан ишке ашырылган USAID долбоорлорунда иштеген.
2007-жылдан 2012-жылга чейин укуктук жана регулятивдик реформанын максаттарына жетүү боюнча иштерди координациялоо максатында BEI долбоорунун жетекчисинин кызматын жана КР Премьер-министринин кеңешчисинин кызматын коомдук башталышта айкалыштырып иштеген. Бул иш Дүйнөлүк банктын изилдөөсүнүн 2009-жылга карата «Бизнес жүргүзүү» эл аралык рейтингинде Кыргыз Республикасы дүйнө боюнча үчүнчү ийгиликтүү реформатор болуп таанылганында чагылдырылган: мыйзам чыгаруу деңгээлинде лицензия берүү жол-жоболору жана уруксат берүү системалары жөнөкөйлөштүрүлгөн, мамлекеттик контролдоочу органдардын саны азайтылган, текшерүүлөрдү жүргүзүү жол-жоболору ирээтке келтирилген, регулятивдик тассирди анализдөө, мамлекеттик, жеке секторлордун жана коомдук уюмдардын өз ара аракеттешүү платформалары түзүлгөн. 2010-жылы КР Убактылуу Өкмөтүнүн КР социалдык-экономикалык жагдайды 2010-жылдын аягына чейин турукташтыруу боюнча Биринчи кезектеги иш-чараларын иштеп чыгуу боюнча эл аралык донорлордун колдоосу менен КР эксперттик-аналитикалык коомунун ишин координациялаган.
КР Президентинин Аппаратынын Стратегиялык анализ жана өнүктүрүү мониторинги бөлүмүнүн башчысы катары КР Президентинин Аппаратынын жетекчисинин орун басары рангында, өлкөнүн өнүгүүсү боюнча стратегиялык документтерди кабыл алуу жана макулдашуу аянтчасы катары КР туруктуу өнүктүрүү боюнча Улуттук Кеңеши түзүлгөн, КР Туруктуу өнүктүрүү улуттук стратегиясы 2013-2017 жж., Улуттук Стратегия-2040 иштелип чыккан жана кабыл алынган, КРдин ЕАЭБге кошулуусу боюнча концепция жана сүйлөшүүлөр боюнча шарттар сунушталган.
3-рангдагы Мамлекеттик Кеңешчи статусуна ээ.
КР экономикасынын ЕАЭБ шарттарына адаптация болууну өнүктүрүү институтун ыкчам ишке киргизүү максатында Россия-Кыргыз Өнүктүрүү Фондунун Башкармасынын төрайымы болуп дайындалган (2015-ж. февраль – 2016-ж. март). Анын жетекчилиги астында команда РКӨФ саясаттарын, ички ченемдик акттарын иштеп чыгып, 2015-жылдын сентябрынан баштап биринчи долбоорлорду насыялоону баштаган.
Азыркы убакта «КМК Форсайт» консалтинг борборун жетектейт.