Эквайринг

Эквайрингдин өзгөчөлүктөрү эмнеде?

1. Кеңири колдонулушу. Сатуунун жана кызматтын дээрлик бардык объектилери банк менен бул кызмат боюнча келишим түзө алат. Ушул себептүү ал соода түйүндөрүнүн көбүндө колдонулат;

2. Сатуучуда кайрып берүүнү эсептөө зарылдыгы жаралбайт. Терминал товар үчүн белгиленген сумманы картадан өзү алып коёт.

3. Тобокелдиктин азайышы. Дүкөндүн кассасына жасалма акча купюралары түшпөйт;

4. Үнөмдөө. Инкассацияга финансылык чыгымдардын азайышы;

5. Пайда. Товарлар же кызматтар үчүн төлөөдө СС салыгы кошулбайт;

6. Ыңгайлуулук. Сатып алуучу накталай акчаларын уурдатып алам деп тынчсызданбайт;

7. Жагымдуу мүмкүнчүлүк. Кардар товарды банк тарабынан берилген карта боюнча кредитке ала алат.

Биз сиздин ишканаңыз үчүн эмнелерди сунуштай алабыз?

- Тейлөөнүн пайдалуу шарттары, эң кыска мөөнөттөрдүн ичинде акча каражаттарынын ордун толтуруу*;

- улуттук Элкарт карталары боюнча операцияны автоматташтырылган токтотуу операциясы (кардар жана Ишкана Банкка кайрылбастан);

- персоналды төлөм карталарын колдонуу менен операцияларды ишке ашыруу эрежелерине акысыз окутуу;

- төлөм карталарын колдонуу менен төлөмдөрдү кабыл алуу үчүн POS терминалды акысыз орнотуу;

- жарнама, маалымат жана чыгымдоо материалдары менен акысыз камсыз кылуу;

- Ишкана жөнүндө маалыматтарды Банктын, ЖМКлардын ресурстарына ж.б. акысыз жайгаштыруу;

- техникалык колдоо.

*Акча каражаттарынын ордун толтуруунун мөөнөтү жана комиссиялардын өлчөмү ар бир Ишкана үчүн жекече белгиленет.

Эмне үчүн Ишканаңызга POS-терминал орнотуу зарыл?

- КРда накталай эмес төлөмдөрдүн жана эсептешүүлөрдүн үлүшүн көбөйтүү боюнча мамлекеттик программаны ишке ашыруунун алкагында Кыргыз Республикасынын Өкмөтү тарабынан накталай эмес төлөмдөрдүн активдүү өнүктүрүлүшү жана колдоого алынышы;

- өлкөнүн бюджетинен айлык акыларды, пенсияларды, жөлөкпулдарды жана башка төлөмдөрдү төлөм карталарына төлөп берүү;

- аянты 50 кв.метрден жогору болгон соода-сервистик ишканаларда POS терминалдын милдеттүү түрдө болушу;

- алкоголдук продукцияларды саткан соода-сервистик ишканаларда POS терминалдын милдеттүү түрдө болушу;

- товарлар же кызматтар үчүн накталай эмес төлөөдө СС салыгынын алып салынышы.

Керектүү документтердин тизмеси:

Юридикалык жактар үчүн:

Эсептешүү эсебин ачуу зарыл

КР ИИМден соттолбогондугу тууралуу маалымкат (түзүүчүлөрдүн, жетекчилердин, башкы бухгалтердин)-кошумча

Банк эсебинин реквизиттери

Юридикалык жак түзбөстөн (ЖИ):

• Эсептешүү эсебин ачуу зарыл

КР ИИМден соттуулугу жоктугу жөнүндө маалымкат (кошумча)

• Банк эсебинин реквизиттери;

Жолугушуу өткөрүүгө жана ишканаңызга POS-терминал орнотууга байланыштуу маселелер боюнча биздин филиалдардагы кызматкерлерибизге кайрыла аласыздар: http://halykbank.kg/branches_atm/branch