Алматы қаласы, 2019 жылғы 27 ақпан. Еуразиялық даму банкі (ЕАДБ) және «Қазақстан Халық Банкі» АҚ (Халық Банкі) өзара түсіністік туралы меморандумға қол қойды. Құжаттарға ЕАДБ Басқарма Төрағасы Андрей Бельянинов және Халық банкінің Басқарма Төрайымы Үміт Шаяхметова қол қойды.
Атаулы келісімге сәйкес, екі тарап күш-жігерді біріктіру арқылы бірлескен жобаларды жүзеге асыруға бағытталған Еуразиялық экономикалық одаққа мүше мемлекеттердің экономикалық өсуін дамыту және ынталандыру мақсатын ұстанады.
Меморандум келесі бағыттар бойынша ынтымақтастықты қарастырады: жеке инвестициялық жобаларды қаржыландыру; банкаралық нарықтағы депозиттік келісімшартар арқылы қазынашылық қызметтер, туынды және қаржы құралдарымен, семинарларда, конференцияларда, бизнес-форумдарда екі тарап өкілдерінің қатысуымен тәжірибе алмасу.
«Бүгін қол қойылған келісім - бірлескен ынтымақтастық жолының жалғасы, бұл одан әрі өзара табысты әрекет етудің маңызды кезеңі. Біздің күш-жігеріміз Еуразиялық экономикалық одақ елдерінің экономикасын дамытуға ықпал етеді деп үміттенеміз », - деді ЕАДБ Басқарма Төрағасы Андрей Бельянинов.
«Halyk қаржылық тобы Еуразия құрлығындағы 5 елде толыққанды банк қызметтерін ұсынады және жақын арада 6-шы елде – Өзбекстанда бой көрсетпек. Бұл бізді интеграциялық үдерістер қатысушылары мен аймақтық ірі ойыншылардың қатарына қосады. Біз осы нарықта ЕАДБ-мен стратегиялық серіктес ретінде жаңа деңгейде ынтымақтастықты дамыту үшін жеткілікті тәжірибе жинақтадық. Біз кәсіби сараптамалар, тәжірибе, тиісті ақпаратпен бөлісуге әзірміз, сондай-ақ экономикалық және индустриялық дамудың басым бағыттарын қолдау мақсатында Қазақстанда бірлескен инвестициялық жобаларды біріге қаржыландыруға дайынбыз », - деді Халық банкінің басқарма төрайымы Үміт Шаяхметова.
Анықтама:
Еуразиялық даму банкі (ЕАДБ) - мүше мемлекеттердің нарықтық экономикасын дамытуға, олардың тұрақты экономикалық өсуіне және өзара сауда-экономикалық байланыстарды кеңейтуге бағытталған 2006 жылдың қаңтарында Ресей мен Қазақстан құрған халықаралық қаржы институты. ЕАДБ жарғылық капиталы 7 млрд. АҚШ долларын құрайды. Банкке мүше мемлекеттер Армения Республикасы, Беларусь Республикасы, Қазақстан Республикасы, Қырғыз Республикасы, Ресей Федерациясы және Тәжікстан Республикасы болып табылады.
«Қазақстан Халық Банкі» АҚ - бөлшек сауда, ШОБ және корпоративтік банктік қызметтер, сақтандыру, лизинг, брокерлік және активтерді басқару сияқты түрлі сегменттерде жұмыс істейтін Қазақстандағы жетекші қаржы тобы болып табылады. Банк Қазақстан қор биржасында 1998 жылдан бастап және Лондон қор биржасында 2006 жылдан бері тіркелген. Екінші деңгейдегі қазақстандық банктер арасында (шетелдік қатыспайтын) Moody's ең жоғары рейтингтері бар (Moody's - Ba1 / Fitch - BB / S & P - BB). 2017 жылдың шілдесінде Банк Казкоммерцбанкке активтердің көлемі бойынша екінші қазақстандық банктің бақылау пакетін сатып алды және оны 2018 жылдың шілдесінде толығымен енгізді. 2018 жылғы 30 қыркүйектегі жағдай бойынша 8,389,9 млрд. теңге көлеміндегі активтерді иемдену арқылы банк Қазақстандағы жетекші кредиттік институт болып табылады. Банктің ең ірі клиенттер базасы және филиалдық желісін иемденген - бүкіл ел бойынша 656 филиал мен кеңсе, сондай-ақ Грузия, Қырғызстан, Ресей және Тәжікстанда еншілес ұйымдары қызмет етеді. Банк туралы толық ақпаратпен halykbank.kz сайтынан алуға болады
ЕАДБ баспасөз қызметімен байланыс:
Александр Савельев, +7 (985) 765 23 59 (Мәскеу қ.)
Әлім Сапарғалиева, +7 (777) 750 00 08 (Алматы қ.)
Горбачев Сергей, +7 (916) 727 22 00 (Мәскеу қ.)
pressa@eabr.org
Халық Банкінің PR қызметі
Коковинец Лариса, +7 (727) 332-28-20, ішкі. 02820
Электрондық пошта: pr@halykbank.kz