Маалымат-борбору

Халык Банк Кыргызстан Борбор Азиянын «ДООРЛОРДУН КОШУЛУШУНДА HR» эл аралык HR-Форумуна жигердүү катышты. Форум региондогу күчтүү HR-коомчулукту өнүктүрүүгө аракет кылган бизнестин өкүлдөрү, эл аралык эксперттер менен лидерлер үчүн маанилүү окуя болуп калды.

Форумда Халык Банк Кыргызстан Башкармалыгынын төрайыма Алия Чыныбаева «Шыктандыра турган компанияда маанайды кантип түзүш керек?» деген темада чыгып сүйлөдү. Баяндама эмгек рыногунда адистердин жетишсиздигинин шарттарында кызматкерлерди жалдоо, персоналды шыктандыруу жана кармап калуу сыяктуу маанилүү аспектилерге багытталды. Россия, Казакстан жана Литва сыяктуу ар түрдүү өлкөлөрдөн келген жетекчилер жана HR-менеджерлер персоналды башкаруу тармагындагы жаңы ыкмалар менен кейстерди сунушташты.

Халык Банк Кыргызстан колдоочу жана шыктандыруучу  жумушчу маанайды түзүүнүн маанилүүлүгүнө көңүл чордонун бурду. Банк персоналды натыйжалуу башкаруу жана жайлуу иш шарттарын түзүүгө кам көрө турган алдыңкы IT HR-чечимдерди колдонууга аракет кылат. Корпоративдик маданиятты өнүктүрүү жана команда түзүүнүн инновациялык ыкмаларын киргизүү - банктын ийгиликтүү ишмердигинин бир бөлүгү болуп саналат.

Халык Банк Кыргызстандын форумга катышуусу Борбор Азиядагы HR-коомчулуктун өнүгүүсүндө анын маанилүү ордун тастыктайт. Банк алдыңкы HR-тажрыйбаларды жигердүү колдонуп келе жатат жана персоналды башкаруу жаатында прогрессивдүү ыкмаларга умтулууну улантууда. 

«Дмитрий Чуприн&Өнөктөштөр» эл аралык консалтингдик компаниясы тарабынан уюштурулган форум 500дөн ашуун катышуучуларды топтоду жана Борбор Азиядагы уюштуруучулук өнүгүү менен HR-консалтинг тармагында тажрыйба алмашуу үчүн платформа болуп калды.